ABTC hər bir vətəndaşa ödənişsiz xidmətlər təqdim edir
Azərbaycan Banklar Assosiyasiyası və Kiçik və Orta Biznesin İnkişafı Agentliyinin Bakı KOB İnkişaf Mərkəzi arasında mövcud əməkdaşlıq çərçivəsində bankların mikro, kiçik və orta biznes nümayəndələrindən olan müştəriləri aşağıdakı təlimlərdə ödənişsiz olaraq iştirak edə bilər
Fins.az xəbər verir ki, bu barədə Azərbaycan Banklar Assosiyasiyası məlumat yayımlayıb
Məlumatda bildirlir ki,
| № | Təlimin mövzusu | Tarix | Saat | Hədəf qrupu | Təlimçi | Toplam saat | Format |
| 1. | Layihələrin Biznes Planlarının hazırlanması | 24, 26, 30 noyabr; 28 noyabr 2020-ci il | 10:00-12:00 10:00-14:00 |
KOB rəhbərləri və maliyyə menecerləri/baş mühasibləri/ layihə qrupları üzvləri | Elxan Məmmədov | 10 saat | Onlayn |
| 2. | Sahibkarlıq fəaliyyətində müqavilə hüququ | 24-26 noyabr 2020-ci il | 14:00-16:00 | Sahibkarlar, hüquqşünaslar, baş mühasiblər | Ruqiyyə Hacızadə | 6 saat | Onlayn |
| 3. | Marketinq (ilkin anlayışlar) | 25, 27 noyabr 2020-ci il | 10:00-12:00 | KOB marketinq və satış menecerləri, mütəxəssisləri | İlkin Qarayev | 4 saat | Onlayn |
| 4. | Pandemiyanın biznesin idarə edilməsinə təsiri (beynəlxalq və yerli sorğu əsasında) | 27 noyabr 2020-ci il | 19:00-21:00 | KOB sahibləri və menecerləri | Cavanşir Abdullayev | 2 saat | Onlayn |
| 5. | Satış texnologiyaları və müştəri xidmətləri | 27-28 noyabr 2020-ci il | 14:00-17:00 | KOB-ların satış üzrə məsul əməkdaşları | Anar Həsənov | 6 saat | Onlayn |
Təlimlərdə iştirak etmək üçün qeydiyyat mütləqdir. Qeydiyyatdan keçmək üçün təlimin mövzusunu, ad və soyadınızı, təşkilat və tutduğunuz vəzifəni qeyd edərək [email protected] e-mail ünvanına göndərə bilərsiniz. Bakı KOB İnkişaf Mərkəzi tərəfindən keçirilən təlimlər və göstərilən digər xidmətlər haqqında ətraflı məlumatı www.baki.kobim.az saytından əldə edə, [email protected] e-mail ünvanına yaza və ya (+994 50) 225 38 88 mobil nömrəsi ilə əlaqə saxlaya bilərsiniz.
KOB inkişaf mərkəzləri Kiçik və Orta Biznesin İnkişafı Agentliyinin (KOBİA) struktur bölmələridir. Hazırda Bakı, Sumqayıt, Xaçmaz və Yevlax şəhərlərində 4 KOB inkişaf mərkəzi fəaliyyət göstərir. Bu mərkəzlərdə mikro, kiçik və orta biznes subyektlərinə, eləcə də sahibkarlıq fəaliyyəti ilə məşğul olmaq istəyənlərə təcrübəli və peşəkar ekspertlər tərəfindən təlim və seminarlar keçirilir, fərdi və qrup halında məsləhət xidmətləri göstərilir, KOB-ların şəbəkələşməsinə, beynəlxalq proqramlarda iştirakına və s. dəstək göstərilir. KOB inkişaf mərkəzlərində göstərilən bütün xidmətlər ödənişsizdir. Ətraflı məlumat üçün – www.baki.kobim.az
