Yenilənmiş Mitsubishi eK X EV artıq “krossover” görünüşündən uzaqlaşıb

Fins.az - Mitsubishi Motors⁠ yenilənmiş eK X EV elektrik kei-karını təqdim edib. Model yeni ön dizayn əldə edib və əvvəlki “krossover” üslubundan daha çox ənənəvi hetçbek görünüşünə yaxınlaşıb.

Yenilənmə çərçivəsində avtomobilin xarici görünüşü dəyişdirilib, həmçinin avadanlıq səviyyəsi yaxşılaşdırılıb. Bununla belə, texniki hissədə hər hansı dəyişiklik edilməyib.

eK X EV ilk dəfə 2022-ci ildə təqdim olunub. Model qardaş avtomobili olan  Nissan Motor Corporation⁠ Sakura ilə birlikdə bazara çıxarılmışdı. Hər iki elektromobil daxili yanma mühərrikli Mitsubishi eK X və Nissan Dayz modelləri əsasında hazırlanıb.

Xatırladaq ki, Nissan Sakura bu ilin aprel ayında yenilənmişdi. İndi isə Mitsubishi də öz elektrik hetçbekini modernləşdirərək model xəttini yeniləyib.