Yeni nəsil Nissan Elgrand satışa çıxarılmağa hazırdır

Fins.az - Nissan yeni nəsil Nissan Elgrand modelini satışa çıxarmağa hazırlaşır.

Model ilk dəfə Japanda təqdim olunub və yaxın vaxtlarda bazara daxil olacaq.

Yeni Elgrand e-Power hibrid güc qurğusu ilə təchiz olunub və tam ötürücü sistemə malikdir.

Dördüncü nəsil minivenin sınaq prototipləri artıq media nümayəndələrinə təqdim edilib və dizaynda ciddi dəyişikliklərin olmayacağı bildirilir.

Modelin satışa çıxışı yay mövsümünə planlaşdırılıb, sələfi isə 2010-cu ildən bəri bazardadır və 2020-ci ildə son ciddi yenilənmədən keçib.