Tank 300 yolsuzluq avtomobilinin seriya istehsalına başlanılıb

Fins.az - Çinin Great Wall Motor konserninə məxsus Tank markasının Tank 300 modelinin seriya istehsalına Rusiyada start verilib.

Məlumata görə, Tank 300 Kalininqrad şəhərində yerləşən Avtotor zavodunda istehsal olunur.

Model “Drive”, “Premium”, “City Drive” və “City Premium” olmaqla dörd komplektasiyada təqdim edilir.

Şirkətin açıqlamasına əsasən, bütün versiyalar yerli iqlim və yol şəraitinə uyğunlaşdırılıb.

Tank markası 2021-ci ildə yaradılıb, onun Rusiya bazarındakı təqdimatı isə 2022-ci ilin dekabr ayında keçirilib.