Shangjie Z7 və Z7T: Porsche üslubunda sedan və universal

Fins.az - SAIC konserni ilə IT nəhəngi Huawei-nin birgə brendi təsirli dördqapılı sedan və “saray” tipli avtomobili bazara çıxarmağa hazırlaşır. Gözlənildiyi kimi, bu, tam elektriklə işləyən avtomobillər ailəsidir və hər iki modifikasiya tam ötürücü ilə təqdim olunacaq. Porsche Taycan üslubunda dizayn edilmiş Shangjie Z7 sedanı cari ilin əvvəlində elan olunub. Keçən həftə marka rəsmi şəkildə universal – beşqapılı versiyanın da satışa çıxacağını təsdiqləyib; bu model Shangjie Z7T adı ilə təqdim olunacaq. İndi avtomobillər ailəsinin əsas texniki göstəriciləri açıqlanıb: maşınların sertifikatları Çin Sənaye və İnformasiya Texnologiyaları Nazirliyinin son kataloqunda yer alıb. Bundan əlavə, marka özündən də bəzi yeni təfərrüatları paylaşıb. Qeyd edək ki, Shangjie – SAIC və Huawei şirkətlərinin layihəsidir və IT nəhənginin digər avtomobil istehsalçıları ilə birgə brendləri kimi HIMA alyansına daxildir.