Polestar ABŞ bazarını tərk edir, Avropada yeni modelini təqdim etməyə hazırlaşır

Fins.az - İsveçin elektromobil istehsalçısı Polestar ABŞ bazarını tərk edərək diqqətini Avropadakı fəaliyyətinin genişləndirilməsinə yönəldib. Şirkət sentyabrın 2-də Avropa bazarı üçün yeni Polestar 4 SUV modelinin satışına başlayacağını açıqlayıb.

ABŞ Ticarət Nazirliyi 2027 model ili avtomobillərinin satışına icazə verməyib. Buna səbəb şirkətin Çinə bağlı İT texnologiyaları və elektron komponentlərlə əlaqədar qəbul edilən yeni təhlükəsizlik tələblərinə cavab verməməsi göstərilib. Çinli Geely holdinqinə məxsus olan Polestar qərardan apellyasiya verməyərək ABŞ bazarından çıxmaq qərarı qəbul edib. Hazırda şirkətin dilerləri ölkədə qalan avtomobillərin satışını davam etdirirlər.