İyun ayında İngiltərədə avtomobil satışları artıb

Britaniya Motorlu Vasitə İstehsalçıları Assosiasiyasının (SMMT) verdiyi açıqlamada, bu ilin iyun ayında ölkədə trafikə qeydə alınan avtomobillərin sayı artıb.

Fins.az "Bloomberg"ə istinadən xəbər verir ki, Böyük Britaniyada trafikə qeydiyyata alınan avtomobillərin sayı iyunda 25,8 % artıb.

Bu ilin birinci yarısında ölkədə qeydiyyata alınan avtomobillərin sayı 18,4% artaraq ümumilikdə 949 min 720-yə çatıb.

İyun ayında ən çox satılan avtomobilin 5 min 539 ədədlə "Tesla Y" olduğu qeyd edilib.

Zəminə Hüseyn
Fins.az