Hyundai uşaq ölümü ilə bağlı 69 mindən çox avtomobili geri çağırır
Fins.az - Cənubi Koreyanın avtomobil istehsalçısı Hyundai Motor təhlükəsizlik problemi səbəbindən ABŞ və Kanadada 69 060 avtomobili geri çağırır. Söhbət 2026-cı il buraxılışlı Palisade modelinin Limited və Calligraphy versiyalarından gedir.
Geri çağırmanın səbəbi ikinci və üçüncü sıra oturacaqların qatlanmasının qarşısını almalı olan sistemdə aşkar edilən nasazlıqdır. Bildirilir ki, bu sistem insan və ya əşya ilə təmas zamanı oturacaqların bağlanmasını bloklamalıdır, lakin bəzi hallarda düzgün işləməyib.
Şirkət sərnişinlərin sıxılması ilə bağlı bir neçə hadisə barədə məlumat aldıqdan sonra bu addımı atıb. Bu hadisələrdən biri azyaşlı uşağın ölümü ilə nəticələnib.
Hyundai məsələ ilə bağlı ABŞ-da satışları müvəqqəti dayandırıb və problemi aradan qaldırmaq üçün müvafiq tədbirlər görür.
