Haval yeni flaqman krossover H10-un təqdimatına hazırlaşır

Fins.az - Haval bu həftə yeni flaqman SUV modelinin onlayn təqdimatını keçirməyə hazırlaşır.

Məlumata görə, Çin bazarında model Great Wall Motors adı ilə H10 olaraq satışa çıxarılacaq. Avtomobilin adı sosial şəbəkələrdə keçirilən səsvermə nəticəsində seçilib.

Yeni flaqman krossoverin ilk dizayn görüntüləri hələ aprel ayında təqdim olunub. Model iki müxtəlif hibrid güc qurğusu ilə təklif olunacaq.

Rəsmi onlayn təqdimatın 25 iyun tarixində keçiriləcəyi açıqlanıb. İlk mərhələdə əsas diqqətin dizayn və xarici görünüşə yönələcəyi gözlənilir.