Exeed Auto China 2026-da Exlantix ES GT və EX9 modellərini təqdim edib
Fins.az - Exeed markası Pekində keçirilən 19-cu beynəlxalq avtosalon çərçivəsində yeni Exlantix ES GT və EX9 modellərini təqdim edib.
Təqdim olunan hər iki model brendin Perpetua adlı dizayn konsepsiyası əsasında hazırlanıb. Exlantix ES GT markanın model xəttində ilk seriyalı shooting brake kuzovlu avtomobil kimi diqqət çəkir.
Model axıcı xətləri ilə seçilən kuzova malikdir. Salon hissəsində isə aktiv yan dəstəyi olan idman oturacaqları quraşdırılıb. İnteryerin əsas elementi iki ekrandan ibarət sistemdir: panoramik displey və bucağı tənzimlənə bilən mərkəzi idarəetmə ekranı.
Daxili bəzəkdə karbon lifindən istifadə olunub, bu material mərkəzi konsolda və qapı panellərində tətbiq edilib. EX9 isə brendin tamölçülü flaqman yolsuzluq avtomobili kimi təqdim olunub.
