Fələstinin diplomatik missiyasından "İzvestiya"ya verilən məlumata görə, Fələstin prezidenti Mahmud Abbasın Qəzza zolağına səfərinə hazırlıq gedir. Fələstin hakimiyyət orqanları, eyni zamanda Rusiya ilə əməkdaşlıq çərçivəsində səfərin təşkilini həyata keçirir.

Fins.az xəbər verir ki, Abbas daha əvvəl Türkiyə parlamentində çıxış edərək Qəzza zolağına və Qüdsə səfər etmək niyyətində olduğunu açıqlamışdı. “Səfərin təşkilinə nəzarət etmək üçün xüsusi komissiya yaradılıb. Bu komissiya dost ölkələr Rusiya, Misir və digər maraqlı tərəflərlə, o cümlədən ABŞ, BMT və Avropa İttifaqı ilə razılaşma və koordinasiya üzərində çalışır,” - deyə Fələstinin Moskvadakı səfiri Abdelhafiz Nofəl bildirib.

Səfir, Qəzza zolağının “Fələstin torpağının və dövlətinin mühüm hissəsi” olduğunu vurğulayıb.

Kaira Agayeva 

Fins.az