Şanxay Gömrük İdarəsindən verilən məlumata görə, Şanxay Almaz Birjasının (SDE) ticarəti yolu ilə idxal edilən almazların dəyəri ilin ilk yarısında rekord səviyyəyə çatıb. 2000-ci ilin Oktyabr ayında fəaliyyətə başlamış SDE, Çində almaz idxalı və ixracı üçün icazəsi olan yeganə əməliyyat platformasıdır.
Fins.az Çin Beynəlxalq Radiosuna istinadən xəbər verir ki, ölkənin almaz idxalı, 2021-ci ilin ilk yarısında, keçən ilin eyni dövrü ilə müqayisədə 4 dəfə və 2019-un eyni dövrü ilə müqayisədə isə 45,3% artımla 10,5 milyard yuan (təxminən 1,6 milyard dollar) təşkil edib.
Qlobal almaz bazarı, Kovid-19 epidemiyasından ciddi şəkildə təsirlənib. Birjaya görə, Çinin keçən ildən bu yana pandemiyanı təsirli bir şəkildə nəzarət altına alması, SDE vasitəsilə ticarətin artmasına səbəb olub.