Yandex 2024-cü ilin 3-cü rübü üçün maliyyə hesabatını təqdim edib.

Fins.az xəbər verir ki, şirkət, xalis gəlirinin 2023-cü ilin eyni dövrü ilə müqayisədə 2,2 dəfə artdığını bildirdi.

Hesabata görə, Yandex-in gəliri 36% artaraq 276,8 milyard rubl təşkil edib. Bununla yanaşı, analitiklərin proqnozlarından bir qədər aşağı olduğu qeyd edilib. Düzəliş edilmiş xalis gəlir 25,1 milyard rubl olaraq müəyyən edilib.

Bundan başqa, düzəliş edilmiş EBITDA 66% artaraq 54,7 milyard rubl olub. EBITDA üzrə marja isə 3,7 faiz bəndi artaraq 19,8%-ə çatmışdır.

Yandex-in müvafiq göstəriciləri, şirkətin bazar tendensiyalarını və müştəri tələblərini nəzərə alaraq strateji plânlarını uğurla həyata keçirdiyini göstərir. Şirkət rəhbərliyi, əldə olunan müvəffəqiyyətlərin davam etdirilməsi üçün yeni layihələr üzərində işləməyə davam edəcəyini açıqlayıb.