Azərbaycanın hədəflərdən biri yararsız torpaqların xüsusi çəkisinin 25 %-dən 15 %-ə endirilməsidir.

Fins.az xəbər verir ki, bunu İqtisadiyyat Nazirliyinin şöbə müdiri Hüseyn Hüseynov Dövlət Vergi Xidmətinin təşkilatçılığı ilə Bakıda keçirilən karbon qiymətləndirilməsi üzrə beynəlxalq konfransda - "Karbon vergisinin iqtisadi təsirləri" mövzusunda sessiyada bildirib.

Onun sözlərinə görə, 2026-cı ilə qədər qarşıda bir sıra hədəflər var və ümumi daxili məhsulun (ÜDM) illik orta hesabla 3-4 %-lik artımına nail olmaq istəyirik:

"Qeyri-neft-qaz sektorunda 5 % artım gözləyirik. Tullantıların təkrar emalı dərəcəsini paytaxtda 20 %-ə, regionlarda isə 10 %-ə, elektrik enerjisi istehsalında bərpa olunan enerjinin payını isə 2026-cı ilə qədər 24 %-ə, 2030-cu ilə qədər isə 30 %-ə çatdırmaq hədəflənir. Bu hədəflərə çatmaq üçün əvvəl ekoloji, iqtisadi və sosial qiymətləndirmə aparılmalıdır".

Fuad Mədətov
Fins.az