Bu ilin ilk yarısında Azərbaycanın investisiya şirkətlərinin aktivləri 89% artaraq 228 milyon manata çatıb.

Fins.az xəbər verir ki, Azərbaycan Mərkəzi Bankının "2024-cü ilin I yarısı üzrə Maliyyə sabitliyi hesabatı"na görə, sektordakı öhdəliklər 40% artaraq 180 milyon manata, balans kapitalı isə 4% artaraq 48 milyon manata yüksəlib. Artımın əsas səbəbi repo və əks-repo əməliyyatlarının ikiqat artımıdır. 2024-cü ilin I yarısında repo bazarındakı əməliyyatlar 2023-cü ilin eyni dövrü ilə müqayisədə 2 dəfədən çox artmışdır.