Sahibkarlığın İnkişafı Fondu COVİD-19 koronavirusdan zərərçəkmiş biznes subyektlərin dəstəklənməsi çərçivəsində 149,7 milyon manat məbləğində dövlət zəmanəti verib.

“Mayın 31-dək dövlət zəmanətli kredit və faizlərin subsidiyalaşdırılması mexanizmi çərçivəsində 1,026 min müraciət üzrə 258,3 milyon manat kreditə 149,7 milyon manat məbləğində dövlət zəmanəti verilib”, - Fondun məlumatında deyilir.

Bundan başqa, SİF mövcud kredit portfelinin subsidiyalaşdırılması mexanizmi üzrə 57 milyon manat faiz subsidiyasının verilməsi barədə müsbət qərar qəbul edib.

“Sahibkarlara artıq 49,3 milyon manat subsidiya ödənişi həyata keçirilib”, - məlumatda vurğulanır.

2021-ci ildə subsidiyaların ödənilməsinə 80 milyon manat yönəldiləcək.