Sinir yorğunluğu xüsusilə 25–45 yaş arası insanlarda ağır iş yükü, xroniki stress və yuxu çatışmazlığı səbəbindən daha geniş yayılıb.

Finss.az xəbər verir ki, nevroloq Olqa Samulinova bu vəziyyətin həm vitamin-mineral çatışmazlığı, həm də uzunmüddətli psixoloji gərginlik nəticəsində yarana biləcəyini bildirib.

Mütəxəssisin sözlərinə görə, sinir yorğunluğunun əsas simptomları bunlardır:
• qıcıqlanma və narahatlıq
• panik ataklar
• istirahət edə bilməmək
• yuxu pozuntuları
• “beyin dumanı” hissi
• boğazda düyün
• yaddaşın zəifləməsi
• qan təzyiqinin qəfil yüksəlməsi
• başgicəllənmə
• xroniki ağrılar və baş ağrıları
• mədə krampları

Qadınlarda əlavə olaraq menstrual dövrün pozulması müşahidə oluna bilər.

Nevroloq bildirib ki, sinir yorğunluğu zamanı mütləq fasilə verilməli, gündəlik ritm yüngülləşdirilməli, düzgün yuxu rejimi və balanslı qidalanmaya diqqət edilməlidir. Zərurət yarandıqda vitamin və mineral çatışmazlığının aradan qaldırılması da vacibdir.

Samulinovanın sözlərinə görə, göstərilən tədbirlərə baxmayaraq simptomlar davam edərsə, xəstəyə dəqiq nevroloji diaqnoz qoyulmalıdır. O vurğulayıb ki, sinir yorğunluğu “ölüm hökmü” deyil, əksinə, bədənin istirahətə ehtiyacı olduğuna dair ciddi xəbərdarlıqdır.