Finss.az - 2025-ci ilin yanvar-mart aylarında MDB ölkələrinin sosial-iqtisadi vəziyyətində fərqli dinamikalar müşahidə olunub.

Dövlət Statistika Komitəsinin məlumatlarına əsasən, Azərbaycanın Ümumi Daxili Məhsulu (ÜDM) əvvəlki ilin müvafiq dövrü ilə müqayisədə 100,3% səviyyəsində sabitliyi qoruyub. Sənaye məhsulunun həcmi isə 97,3% səviyyəsində azalma göstərib. Eyni dövrdə əhalinin gəlirləri 106,6% artaraq orta aylıq əməkhaqqı 110,2%-ə yüksəlib.

MDB ölkələri arasında Qırğızıstan (113,1%) və Tacikistan (108,4%) ÜDM artımı ilə ön sıralarda yer alıb. Sənaye istehsalında isə Tacikistan 123,4% artımla liderdir.

Azərbaycanın əsas kapitala yönəldilmiş vəsaitləri 89,9% olub, bu isə investisiyalarda azalma deməkdir. İdxal isə 139,0% artaraq ticarətdə aktivlik göstərib. İxrac isə 91,1% səviyyəsində olub.

Pərakəndə əmtəə dövriyyəsi 103,8% artıb, istehlak qiymətləri indeksi isə 105,6% təşkil edib.