Finss.az - Aprelin 29-da Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində fəaliyyət göstərən “Hərracların Təşkili Mərkəzi”nin yeni binasının açılış mərasimi keçirilib.

Tədbirdə, Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidmətinin rəis müavini, rəis vəzifələrini müvəqqəti icra edən Müslüm Cabbarzadə, mərkəzin fəaliyyətinin daha da təkmilləşdirilməsi məqsədilə istifadəyə verilən yeni inzibati bina barədə məlumat verib.

Bina ümumi sahəsi 489 kvadrat metr olan və iki mərtəbədən ibarət bir struktura sahibdir. Yeni mərkəz, iş otaqları, arxiv otağı və geniş hərrac zalı ilə təchiz olunub. Mərkəzin müasir üslubda təmir edilən hərrac zalı, ən son texnoloji avadanlıqlarla və multimedia vasitələri ilə təmin olunub. Burada hərrac iştirakçılarının rahatlığı və prosesin şəffaflığının təmin edilməsi üçün yüksək texnologiyalara əsaslanan həllər tətbiq olunub.

Hərracların canlı izlənməsi üçün hərəkət sensorlu, yüksək görüntü keyfiyyətinə malik və avtomatik yaxınlaşdırma funksiyasına sahib müşahidə kameraları, böyük ölçülü monitorlarla təmin edilib. Eyni zamanda, hərrac prosesinin videokameralar vasitəsilə qeydiyyata alınaraq arxivləşdirilməsi üçün texniki imkanlar yaradılıb. Binada yerləşdirilmiş müşahidə kameraları vasitəsilə isə fasiləsiz onlayn videomüşahidə aparılması mümkün olub.

Bu yeni binanın istifadəyə verilməsi ilə Hərracların Təşkili Mərkəzinin fəaliyyəti daha da təkmilləşərək, şəffaf və yüksək standartlara uyğun şəkildə həyata keçiriləcək.