Cari ilin 11 ayı ərzində Respublika Təcili və Təxirəsalınmaz Tibbi Yardım Mərkəzinə 1,6 milyondan çox çağırış qeydə alınıb.

Fins.az xəbər verir ki, bu barədə TƏBİB-in İcraçı direktoru Vüqar Qurbanov 2024-cü ilin yekunları və 2025-ci ilin planlarına həsr olunmuş mətbuat konfransında məlumat verib.

O bildirib ki, ən çox müraciət Bakı şəhəri üzrə qeydə alınıb. Paytaxtda 11 ay ərzində 781 min 152 çağırış daxil olub.

• Sumqayıt üzrə 132 min 711,
• Gəncə üzrə 93 min 536,
• Abşeron üzrə 34 min 46,
• Mingəçevir üzrə isə 38 min 357 çağırış qeydə alınıb.

V.Qurbanov qeyd edib ki, Bakı üzrə olan çağırışlar əsasında:

• 742 min 152 nəfərə yerində yardım göstərilib,
• 75 min 21 nəfər isə müxtəlif profilli tibb müəssisələrinə hospitalizasiya olunub,
• 39 min çağırış əsassız olub.

“Ümumilikdə, Bakı şəhərində gündəlik müraciətlərin sayı 2 min 200 - 2 min 300 arasında dəyişir”, - deyə o əlavə edib.