Rusiya ilə Azərbaycanı birləşdirən R-217 "Qafqaz" avtomobil yolunun 2030-cu ilə qədər dörd zolağa qədər genişləndirilməsi planlaşdırılır. Bu, yol-nəqliyyat hadisələrinin sayını azaltmağa və təhlükəsizliyi artırmağa imkan verəcək.

Fins.az xəbər verir ki, bu barədə Qafqaz Federal Yolları Agentliyinin idarə rəisi Aleksandr Lukaşuk "TASS Qafqaz" regional informasiya mərkəzində keçirilən mətbuat konfransında bildirib.

A.Lukaşukun sözlərinə görə, R-217 "Qafqaz" magistral yolu Krasnodar ərazisindəki Pavlovskaya stansiyasından Azərbaycan sərhədinə qədər uzanır və "Şimal-Cənub" beynəlxalq nəqliyyat dəhlizinə daxildir. Bu yol həm Rusiya Federasiyasının subyektlərini, həm də xarici ölkələri birləşdirir.

"Bu yolda ən böyük turist və yükdaşımalar axını mövcuddur. Buna görə də bu marşruta xüsusi diqqət yetirilir. 2030-cu ilə qədər yol nəqliyyat axınlarının ayrılması ilə dörd zolaqlı bir formatda tamamlanacaq," – deyə Lukaşuk vurğulayıb.