Azərbaycanın Elm və təhsil naziri Emin Əmrullayev, 2024-cü ildə təhsil infrastrukturunun inkişafı ilə bağlı məlumat verib.

Fins.az-ın məlumatına görə, nazir bildirib ki, bu il ərzində 33 məktəb binası tikilib və ya təmir edilib. Bu addımlar ölkədə təhsil şəraitinin yaxşılaşdırılmasına yönəlib.

Eyni zamanda, azad edilmiş ərazilərdə 5 yeni məktəb istifadəyə verilib və fəaliyyətə başlayıb. Nazir, gələn il məktəbəqədər təhsillə bağlı 467,4 milyon manat vəsaitin ayrılacağını qeyd edərək, 5 yaşlı uşaqların məktəbəhazırlığa cəlb edilməsinin 87%-ə çatdığını bildirib. Bu göstərici təhsil sistemində keyfiyyətin artırılması və erkən yaşda təhsil xidmətlərinin genişləndirilməsi istiqamətində irəliləyişlərin olduğunu göstərir.