Koronavirusun Delta variantına yoluxan şəxslərdə burun axıntısı, baş və boğaz ağrısı daha çox müşahidə edilir. Orta yaşlı insanlarda isə mədə-bağırsaq pozuntusu özünü büruzə verir.

Bunu ARB24-ün “Gündəm” verilişinə açıqlamasında həkim Vüqar Cavadzadə deyib.

“Delta ştamının yoluxuculuğu yüksəkdir. Hətta açıq havada yaxın məsafədə olan insanlar da bir-birini yoluxdurmaq xüsusiyyətinə malikdir. Cərrahi maskalar isə bizi onsuz da 100 faiz qorumur. Bu ştammın digər xüsusiyyəti isə uşaqlar arasında yoluxmanın yüksək olmasıdır. Lakin uşaqlar arasında ölüm hallarında elə də ciddi nəticələr müşahidə edilməyib”, - o bildirib.