2025-ci ilin fevral ayında "Aqrar Sığorta" Açıq Səhmdar Cəmiyyətinin maliyyə göstəricilərində ciddi enişlər baş verib.

Finss.az bu barədə Azərbaycan Mərkəzi Bankının (AMB) yayımladığı məlumata əsasən xəbər verir ki, şirkət yanvar ayında 7 613 min manat sığorta haqları toplasa da, fevralda bu məbləğ 296 min manata enib. Bu, keçən ayla müqayisədə 96%-lik dramatik bir azalma deməkdir.

Eyni zamanda, sığorta ödənişlərində də kəskin eniş müşahidə edilib. Yanvar ayında 907 min manat sığorta ödənişi həyata keçirən "Aqrar Sığorta", fevralda bu rəqəmi 263 min manata düşürüb. Bu da 70,99%-lik bir azalma göstərir.

Həm sığorta haqları, həm də ödənişlərdəki bu cür böyük azalmalar, şirkətin gəlir modelinin və müştəri tələbinin əhəmiyyətli dərəcədə gerilədiyini göstərir. Bu, şirkətin maliyyə dayanıqlılığına və bazar iştirakçılarının etibarına ciddi təsir göstərə bilər.

Fuad Mədətov
Finss.az