2025-ci ilin fevral ayında “Xalq Həyat” Sığorta Şirkəti Açıq Səhmdar Cəmiyyətinin maliyyə göstəricilərində qeyri-adi dəyişikliklər baş verib.

Finss.az bu barədə Azərbaycan Mərkəzi Bankının (AMB) yayımladığı məlumata əsasən xəbər verir ki, şirkətin topladığı sığorta haqları yanvar ayında 844 min manat olduğu halda, fevralda bu rəqəm 978 min manata yüksəlib. Bu isə cəmi 16%-lik artım deməkdir ki, bu da bazar standartlarına görə o qədər də yüksək göstərici deyil.

Əsas diqqət çəkən məqam isə şirkətin sığorta ödənişlərində yaşanan rekord artımdır. Yanvar ayında cəmi 40 min manat sığorta ödənişi həyata keçirən “Xalq Həyat”, fevral ayında bu məbləği inanılmaz şəkildə 2 131 min manata yüksəldib. Bu isə 5167,32% artım deməkdir!

Sığorta şirkətləri üçün bu cür kəskin ödəniş artımları ciddi maliyyə yükü deməkdir. Əgər bu tendensiya davam edərsə, şirkətin likvidliyi və maliyyə dayanıqlılığı sual altında qala bilər. Eyni zamanda, belə yüksək ödənişlər şirkətin zərərlə işləməsinə səbəb ola bilər.

Sığorta bazarında bu cür qeyri-adi dəyişikliklər adətən fors-major halları, böyük məbləğli ödənişlər və ya siyasətdəki dəyişikliklərlə əlaqəli olur.

Fuad Mədətov
Finss.az