2025-ci ilin yanvar və fevral aylarında “Azərbaycan Sənaye Sığorta” Açıq Səhmdar Cəmiyyətinin maliyyə göstəricilərində əhəmiyyətli dəyişikliklər qeydə alınıb.

Finss.az bu barədə Azərbaycan Mərkəzi Bankının (AMB) yayımladığı məlumata əsasən xəbər verir ki, şirkət yanvar ayında 3 701 min manat sığorta haqqı toplayıbsa, fevralda bu məbləğ 1 838 min manata enib. Bu, 50%-lik kəskin azalma deməkdir və şirkətin haqları ilə bağlı ciddi problemlərin olduğunu göstərə bilər.

Eyni zamanda, sığorta ödənişləri artıb. Yanvar ayında 973 min manat sığorta ödənişi həyata keçirən şirkət, fevralda bu məbləği 1 147 min manata çatdırıb. Aylıq müqayisədə 17,90%-lik artım, şirkətin ödənişlərindəki artışı göstərsə də, haqlardakı ciddi azalma bu artımın dayanıqlı olub-olmaması ilə bağlı suallar yaradır.

Sığorta haqlarının bu qədər azalması, şirkətin gəlirliliyinə və bazardakı mövqeyinə ciddi təsir edə bilər. Eyni zamanda, artan ödənişlər şirkətin maliyyə sabitliyi və risk idarəetmə strategiyalarına dair narahatlıqları artırır.

Fuad Mədətov
Finss.az