Azərbaycanda qiymətli kağızların alışı zamanı sığortalama mexanizmi tətbiq ediləcək.

Fins.az xəbər verir ki, bunu "Azərbaycan Fond Bazarı İştirakçıları Assosiasiyası" (AFBİA) İctimai Birliyin icraçı direktoru Murad Yəhyayev “Azərbaycan Tikinti Materialları İstehsalçıları Assosiasiyası" (ATMİA) İctimai Birliyi ilə AFBİA-nın birgə tədbirində bildirib.

Onun sözlərinə görə, müvafiq qanunvericiliyə dəyişikliklər edilməsi ilə bağlı təkliflər hazırlanıb. Yeni mexanizm qiymətli kağızların ticarətində əmanətlərin sığortalanması kimi fəaliyyət göstərəcək. Bu, investorların qiymətli kağızları alarkən şirkətin iflas etməsi halında belə, sərmayələrini qoruyacaq, bank depozitlərində olduğu kimi.

Dəyişikliklərə əsasən, qiymətli kağızların sığortalanması mexanizmi Mərkəzi Bank və Əmanətlərin Sığortalanması Fondu (ƏSF) tərəfindən birgə hazırlanacaq. Bu sistemdə, ödəmə qabiliyyətini itirmiş investisiya şirkətlərində investorların maliyyə alətləri və vəsaitlərinin itirilməsi riski sığortalanacaq.

Qeyd edək ki, hazırda Azərbaycanda əmanətlərin sığortalanması 2021-ci ildən fərdi sahibkarlar üçün 20 min manatdan çox vətəndaşlar üçün 100 min manatadək məbləğlər üçün tətbiq olunur. Əmanətlərin illik sığortalanma faizi manat əmanətləri üzrə 12 %, xarici valyuta əmanətləri üzrə isə 2,5 %-dir.

ƏSF 2007-ci ildən fəaliyyət göstərir və hazırda 23 bank fondun üzvüdür. İştirakçı banklar bir dəfəlik üzvlük haqları ödəyir, təqvim haqları isə qorunan əmanətlərin orta günlük qalıq məbləğindən hesablanaraq ödənilir.

Yeni sığorta mexanizmi kapital bazarında investorların etibarını artırmaq və bazarın daha da inkişafını təmin etmək məqsədini güdür.

Fuad Mədətov
Fins.az