2024-cü ilin yanvar-aprel ay­ları ərzində muzdlu işçi sayının və əməkhaqqı fondunun “ağar­ması” prosesi şəraitində məcburi dövlət sosial sığorta haqları üzrə daxilolmalar 1,8 milyard manat­dan çox olub.

Fins.az Dövlət Vergi Xidmətinin bununla bağlı yaydığı məlumata əsasında xəbər verir ki, bu, əv­vəlki ilin müvafiq dövrü ilə müqayisə­də 11,7 faiz və ya 190,1 milyon manat çoxdur. Qeyd edilib ki, qeyri-büdcə təş­kilatları üzrə daxilolmalar ötən ilin eyni dövrünə nisbətən 14 faiz artaraq 1,2 milyard manata yaxın olub.

İşsizlikdən sığorta haqları üzrə daxilolmalar 2023-cü ilin yanvar-aprel ayları ilə müqayisədə 13,8 faiz artaraq 64,5 milyon manatdan çox olub. Qey­ri-büdcə təşkilatları üzrə daxilolmalar 17,1 faiz artıb və 48,9 milyon manata çatıb.

İcbari tibbi sığorta haqları üzrə daxilolmalar ötən ilin müvafiq dövrünə nisbətən 9,2 faiz artaraq 318,3 milyon manat təşkil edib. Qeyri-büdcə təşkilat­ları üzrə daxilolmalar isə 10,2 faiz artıb və 225,1 milyon manat olub.