Fins.az - 2024-cü ilin yanvar-noyabr ayları ərzində Rusiya limanlarının yük dövriyyəsi 815,1 milyon ton təşkil edib.

Bu göstərici keçən ilin eyni dövrü ilə müqayisədə 2% azalıb.

Bu müddət ərzində ixrac yüklərinin həcmi 643,3 milyon ton olub (-1,7%), idxal yükləri isə 39,1 milyon tona çatıb (+11%). Tranzit yüklərinin həcmi 59,6 milyon ton (+0,6%), kabotaj yükləri isə 73,1 milyon ton təşkil edib (-11,9%), - deyə ASOP xəbər verir.

Xüsusilə kömür daşımalarının həcmi 173,7 milyon ton olub (-10,3%), qara metallarda bu göstərici 17,4 milyon ton təşkil edib (-12,1%), filiz daşımalarının həcmi isə əksinə, 10,9 milyon tona qədər artıb (+23,8%).