Fins.az - Çində iqtisadi artım ilə bağlı xəbərlər, dəmir filizi bazarına təsir etməyə davam edir.

Reuters agentliyinin məlumatına görə, dəmir filizi üzrə müqavilə qiymətləri cümə axşamı günü yenidən enib. Bu, investorların əhval-ruhiyyəsinin pisləşməsinə səbəb olub və gözləntilər, Çin iqtisadiyyatında 2024-cü ildə artım tempinin 5%-dən aşağı olacağına işarə edir.

Çinin Dalian Əmtəə Birjasında yanvar ayında ən çox satılan dəmir filizi müqaviləsi 804,5 yuan ($110,64) səviyyəsində 0,68 faiz ucuzlaşıb. Həmçinin, Sinqapur Birjasında yanvar ayı əsas müqavilə qiyməti 1,03 faiz azalaraq ton başına $104,25 olub.

Çinin dövlət mətbuatı, iqtisadi artım tempi ilə bağlı konkret hədəflərin müəyyən edilməyəcəyini və 5%-dən az artımın belə qəbul ediləcəyini bildirib. Bu isə, iqtisadiyyata dair daha çox stimul paketlərinin gələcəyinə dair gözləntiləri gücləndirib.

Sinosteel Futures analitiki Çen Pen, hazırda dəmir filizinin bazar qiymətinin şişirdildiyini və bu səbəbdən aşağıya doğru düzəlişin qaçılmaz olduğunu qeyd edib. Pekinin növbəti dövrlər üçün iqtisadi stimullar tətbiq edəcəyi gözlənilir.