Bu gün OPEC+ nazirləri ən azı 2025-ci ilin əvvəlinə qədər neft hasilatı planlarını müzakirə etmək üçün videokonfrans vasitəsilə görüşəcəklər.

Fins.az xəbər verir ki, OPEC+ nazirlərinin iclasları artıq altı aydan bir keçirilir.

Dekabr iclası əvvəlcə dekabrın 1-nə təyin edilmişdi, lakin bəzi Yaxın Şərq nazirlərinin Küveytdə Körfəz Əməkdaşlıq Şurasının sammitində iştirakı ilə əlaqədar dekabrın 5-nə təxirə salınıb.

OPEC+ ölkələri ənənəvi olaraq neft bazarındakı mövcud vəziyyəti müzakirə etməli və gələn il üçün hasilat planları barədə qərar qəbul etməlidirlər.

Qurumun gündəmindəki xüsusi məsələ, ilin əvvəlindən səkkiz OPEC+ ölkəsinin əməl etdiyi gündəlik 2,2 milyon barel (b/d) könüllü ixtisarın taleyidir. Bu tədbiri həyata keçirən ölkələrə Rusiya, Səudiyyə Ərəbistanı, Əlcəzair, İraq, Qazaxıstan, Küveyt, BƏƏ və Oman daxildir.

"Reuters" agentliyi, OPEC+ nümayəndə heyətlərindəki mənbələrə istinadən xəbər verir ki, alyans 2025-ci ilin bütöv birinci rübü üçün könüllü azalmaların müddətinin uzadılmasını nəzərdən keçirə bilər. OPEC+ nazirlərinin monitorinq komitəsinin iclası Bakı vaxtı ilə saat 15:00-da, OPEC+ nazirlərinin ümumi iclası isə saat 15:30-da başlaması planlaşdırılır.