Fins.az - Səudiyyə Ərəbistanı, Riyad şəhərində keçirilən Dünya İnvestisiya Konfransında böyük bir investisiya müqavilələri imzalayıb.

Ümumilikdə, 9 şirkətlə 9,32 milyard dollar dəyərində 9 müqavilə bağlanıb. Bu layihələr ölkənin metalurji və mədən sənayesinin inkişafına yönələcək və dünya miqyasında mühüm investisiya axınını cəlb edəcək.

Hindistanın məşhur Vedanta şirkəti, Ras əl-Xayr bölgəsində illik 400 min ton tutumlu əridici və təmizləyici zavod və illik 300 min ton tutumlu mis tel istehsal edən müəssisə quracaq. Layihənin ümumi dəyəri 2 milyard dollar olaraq qiymətləndirilir.

Çinin Zijin Group şirkəti isə 1,3-1,6 milyard dollar sərmayə ilə layihəyə başlayacaq. İlk mərhələdə, şirkət 100 min ton sink əritmə və 200 min ton kükürd turşusu istehsalı gücünə malik bir zavod tikəcək. Növbəti mərhələlərdə isə litium karbonatı və mis istehsalına yönələn yeni zavodlar inşa ediləcək.

Avstraliyanın Hastings Technology Metals şirkəti, nadir torpaq elementlərinin emalı üzrə 1,5-1,9 milyard dollar dəyərində investisiya yatıracaq. Bu layihə, Səudiyyə Ərəbistanının mədən sektorunu gücləndirmək üçün əlavə imkanlar yaradacaq.

Bundan əlavə, Kanadanın Platinum Group Metals şirkəti, Cənubi Afrikadakı Waterberg mədənindən platinlə əlaqəli materiallar istehsal edən bir zavod tikmək məqsədilə 500 milyon dollar dəyərində tədqiqat aparacaq.

Səudiyyə Ərəbistanı bu investisiyalarla həm regional, həm də qlobal miqyasda metallurgiya və mədən sənayesi sahəsində öz mövqeyini gücləndirməyi hədəfləyir. Bu inkişaflar, ölkənin iqtisadi diversifikasiyası və qeyri-neft sektorunun gücləndirilməsi baxımından mühüm addımlar olacaq.