Fins.az - Rusiya, illik tutumu 35 milyard kubmetrədək olan yeni qaz ixracı marşrutunu Şərqi Qazaxıstan vasitəsilə Çinə açmağı nəzərdən keçirir.

Rusiya Baş nazirinin müavini Aleksandr Novak bu barədə "Rostki: Rusiya və Çin — qarşılıqlı faydalı əməkdaşlıq" forumunda məlumat verib. O, layihənin hazırda yalnız müzakirə olunduğunu və başlanğıc mərhələdə olduğunu qeyd edib.

Novakın bildirdiyinə görə, 2024-cü ildə Rusiya Federasiyasından Çinə qaz tədarükünün həcmi, maye qaz (SPG) daxil olmaqla, 40 milyard kubmetrə çatacaq. Keçən il, 2023-cü ildə isə Çin 159,1 milyard kubmetr qaz idxal edib ki, bu da SPG-ni də əhatə edir.

Bundan əlavə, tərəflər Sахalin—Xabarovsk—Vladivostok qaz kəmərinin gücünü 10 milyard kubmetrə çatdırmaq barədə razılığa gəliblər. Tikintinin 2027-ci ildə tamamlanması planlaşdırılır.

Eyni zamanda, Moskva və Pekin "Sibir Gücü" qaz kəmərinin ikinci xəttinin yaradılması üzrə danışıqlar aparır. Bu yeni xətt 50 milyard kubmetr gücə malik olacaq və Monqolustan üzərindən keçəcək.

Bu addımlar, Rusiya və Çinin enerji sahəsindəki əməkdaşlığını daha da möhkəmləndirəcək və Asiya bazarına qaz tədarükünü artıracaq.