Macarıstanın aparıcı neft-qaz şirkəti Mol, Ukrayna vasitəsilə Rusiya neftinin tədarükü üçün yeni bir sxem üzərində danışıqlar aparır.

Fins.az xəbər verir ki, bu yeni sxemə əsasən, Mol şirkəti neftin tranzitinə görə məsuliyyəti öz üzərinə götürəcək. Bu barədə Reuters xəbər verir.

Yeni təklif, Ukraynanın iyun ayında LUKOIL-un "Drujba" boru kəməri vasitəsilə tranzitini qadağan etməsindən sonra ortaya çıxıb. Qeyd edək ki, LUKOIL-a qarşı tətbiq edilən sanksiyalar Macarıstan və Slovakiyaya neft tədarükündə fasilələrə səbəb olub. Mol şirkətinin yeni təklifi bu problemi həll etməyə yönəlib.

Lakin Macarıstan hökuməti bu yeni sxemin daha bahalı və riskli ola biləcəyini vurğulayır. Ukraynadakı münaqişələrdən sonra Avropa İttifaqı Rusiya nefti və neft məhsullarının dəniz yolu ilə daşınmasını qadağan edib, lakin "Drujba" boru kəməri üçün istisna edilmişdi. 2023-cü ilin iyununda isə boru kəmərinin şimal qolundan tədarüklər də sanksiyalara məruz qaldı.

Hazırda Mol və LUKOIL hüquqi həll yolları axtarışındadırlar və bu yeni sxem Macarıstanın enerji təhlükəsizliyini təmin etməyə yönəlib.