Sabit iqtisadiyyat, əlverişli investisiya mühiti və biznesin inkişafında əhəmiyyətli uğurlar, bərpa olunan enerji mənbələri (RES) sahəsində perspektivli meqalayihələrin həyata keçirilməsində iştirak etməyə hazır olan dünyanın ən böyük investorlarını Azərbaycana cəlb etdi.

Bunu  MGIMO-nun Beynəlxalq Enerji Siyasəti və Diplomatiya İnstitutunun direktor müavini, MGIMO-nun Dayanıqlı İnkişaf Mərkəzinin eksperti, iqtisad elmləri namizədi İqbal Quliyev deyib.

Onun sözlərinə görə, bu gün Azərbaycanın enerji sektorunda 12 böyük şirkət iştirak edir - "BP" (Böyük Britaniya), "Masdar" (BƏƏ), "ACWA Power" (Səudiyyə Ərəbistanı), "Total Eren" (Fransa), "Equinor" (Norveç), "Quadran International" (Fransa) , "Tekfen Insaat" (Türkiyə), "Al-Matub" (BƏƏ), "Mitsui Co" (Yaponiya), "Lucia Holding" (Fransa), "Ansalgo Energia" (İtaliya) və "Avelar Solar Technology" (Rusiya).

“Bütün bu enerji şirkətləri Azərbaycanla qarşılıqlı razılaşma və əməkdaşlıq sənədləri imzalayıblar.

Eyni zamanda, Azərbaycan Energetika Nazirliyi həm işçi qruplarının fəaliyyəti, görüşlər və məlumat mübadiləsi çərçivəsində, həm də bərpa olunan enerji mənbələri sahəsində milli tənzimləyici bazanın təkmilləşdirilməsi sahəsində onlarla fəal qarşılıqlı əlaqə qurur", - İ.Quliyev bildirib.

O qeyd edib ki, Rusiya enerji şirkətləri Azərbaycanda uğurla fəaliyyət göstərir və sənaye sahəsində əməkdaşlıq dərinləşir:

"Beləliklə, ümumi qiymətləndirmə Azərbaycan iqtisadiyyatının modernləşməyə, enerji sektorunun qlobal transformasiyasında iştirakına, beynəlxalq aləmdə əsas oyunçu kimi mövqeyinin möhkəmlənməsinə, ölkələrarası fəal əməkdaşlığına, davamlı inkişaf kursunun saxlanmasına, elm tələb edən və yüksək intellektli texnologiyalar tətbiqinə, əhalinin yüksək həyat səviyyəsini təmin edilməsinə istiqamətləndirilməsini göstərir".

© Trend