İran gündəlik neft hasilatını təxminən üç dəfə -  6,5 milyon barelə qədər artırmağa hazırdır. 

Fins.az xəbər verir ki, bunu bazar ertəsi İran İslam Respublikasının neft naziri Bijan Namdar Zangene bildirib.

Onun sözlərinə görə, Tehran bu istehsal həcminə "asanlıqla" çata bilərdi, ancaq "bunu istəməyən qüvvələr var."

Zangane, "İranın neft istehsalını artırması, ölkənin təhlükəsizliyini və siyasi gücünü artırır", - deyib.

OPEC-ə görə, İran mart ayında gündəlik 2,3 milyon barel neft hasil edib. Zanganeyə görə, İranın təklif etməyə hazır olduğu əlavə tədarük həcmi gündəlik 4.2 milyon barelə bərabərdir. Bu, praktiki olaraq Rusiya neft ixracatının mövcud həcminə bərabərdir.

Böhrandan əvvəl Rusiya dünya bazarına daha çox neft satırdı - gündə təxminən 5 milyon barel. Lakin OPEC + razılaşması Rusiya neftçilərinin əllərini bağlamağa davam edir. May ayında Rusiya Federasiyasında gündəlik istehsalı 10,5 milyon barel təşkil edib.

Bloomberg-ə görə, dövlətə məxsus mədən şirkəti "National Iran Oil Co" (NIOC), iki il əvvəl Donald Tramp administrasiyasının bir vaxtlar OPEC-də üçüncü ən böyük neft istehsalçısı olan ölkəyə qarşı neft embarqosu tətbiq etməsindən sonra dayandırılması məcburiyyətində qalan sahələrin texniki hazırlığına başlayıb.

Bloomberg mənbələrinin bildirdiyinə görə, nikbin bir ssenaridə, sanksiyaların ləğvindən sonra İran üç-altı ay ərzində hasilatı praktiki olaraq ikiqat artıraraq sanksiyadan öncəsi səviyyəyə (gündəlik 4,5 milyon barel) qaytara biləcək.

"Goldman Sachs" analitikləri İranın potensialını daha təvazökar hesab edirlər: İlin ikinci yarısında gündə 1,5 milyon barel əlavə neft bazara çıxa bilər.