Etalon hesab edilən xam neft markalarının qiymətləri bu həftəki OPEC + Nazirlər Monitorinq Komitəsi (JMMC) iclası ərəfəsində bazar ertəsi günü yüksəlib.

Londonun İCE Futures birjasında Brent markalı neftin oktyabr fyuçerslərinin qiyməti bazar ertəsi saat 9: 19-da 45,20 dollar / barel təşkil edir ki, bu da əvvəlki sessiyanın yekunundakı qiymətdən 0,4 dollar (0,89%) çoxdur. Cümə günü ticarət nəticəsində bu müqavilələr 0,16 dollar (0.4%) azalıb.

Nyu-Yorkun NYMEX əmtəə birjasında elektron ticarətdə WTI sentyabr ayı fyuçersləri bu dəfə 0,44 dollar (1,05%) bahalaşaraq 42,45 dollara satılıb. Əvvəlki hərracların nəticəsində bu müqavilələrin dəyəri 0,23 dollar (0,5%) azalıb.

Cümə günü neft qiymətləri düşdü, lakin bir həftə ərzində artım göstərdi: Brent 0.9%, WTI - 1.9% əlavə etdi. Bazar, ABŞ neft ehtiyatlarının ardıcıl üçüncü həftədə azalması barədə məlumatlarla dəstəkləndi. Bununla yanaşı, ötən həftə Beynəlxalq Enerji Agentliyi (IEA) 2020-2021-ci illərdə neft tələbatı ilə bağlı proqnozunu aşağı salıb.

SP Global Platts yazır ki, bu həftə treyderlər OPEC + Nazirlərin Monitorinq Komitəsinin (JMMC) 19 avqusta planlaşdırılan iclasını gözləyirlər.

"Bu həftəki OPEC + toplantısında böyük bir sürprizlər gözlənilmir və istehsal azalması aprel ayında təyin olunduğu kimi davam edəcək" dedyib analitiklər

Bloomberg xəbər verir ki, bu arada ABŞ və Çin avqustun 15-nə planlaşdırılan ticarət danışıqlarını təxirə salıblar. Bununla yanaşı, SP Global Platts tərəfindən qeyd olunduğu kimi, bu xəbər Çinin qısa müddət ərzində ABŞ-dan böyük həcmdə neft idxal etməyi planlaşdıracağını gözləyən ticarətçilərin düşüncələrinə təsir etməyib.

"ABŞ-ın Çinə neft idxalının artması ticarət sövdələşməsinin ən bariz təsdiqidir" deyə qeyd edib AxiCorp analitiki Stiven İnnes

Bununla yanaşı, keçən həftə ABŞ-da fəaliyyət göstərən neft qurğularının sayı dörd ədəd azalaraq 172-yə çatıb. Hazırda işləyən qurğuların sayı bir il əvvələ nisbətən 598 ədəd azdır.

Müəllif:Aynur Qəniyeva