2019-cu ilin yekunları üzrə “Cənub Qaz Dəhlizi” (CQD) QSC-nin xalis zərəri $306,209 mln. təşkil edib, bu da 2018-ci ilin göstəricisindən 14,5% çoxdur.

Bu barədə QSC-nin 2019-cu il ərzində audit olunmuş maliyyə hesabatında deyilir.

Ötən il ərzində CQD-nin gəlirləri $452,61 mln. (artım 78,5%), satışların maya dəyəri $247,275 mln. (artım 86,2%) təşkil edib.

2019-cu ilin yekunları üzrə cəmiyyətin əməliyyat gəliri $127,268 milyon təşkil edib (artım 37,5%). Eyni zamanda, 2019-cu ildə CQD–nin maliyyə xərcləri $439,916 milyon olub (artım 25,6%).

Nəitcədə, 2019-cu ilin yekunları üzrə cəmiyyətin vergi ödənilənədək zərəri $279,68 mln. təşkil edib (artım 21,8%).

Hesabata əsasən, 2019-cu ilin sonuna QSC-nin aktivləri $12 mlrd. 654,978 mln. (azalma 1,8%),o cümlədən qısamüddətli aktivləri 328,382 mln. (azalma 61,5%), uzunmüddətli aktivləri $12 mlrd. 326,596 mln. (artım 2,4%) təşkil edib.

2020-ci ilin əvvəlinə “Cənub Qaz Dəhlizi” QSC-nin öhdəlikləri $9 mlrd. 446,122 mln. (azalma 0,2%), o cümlədən qısamüddətli öhdəlikləri $327,07 mln. (azalma 30,8%), uzunmüddətli öhdəlikləri $9 mlrd. 119,052 mln. (artım 1,4%) məbləğində olub.

2019-cu ilin sonuna QSC-nin kapitalı $3 mlrd. 208,856 mln.-a (azalma 6,1%), həmçinin səhmdar kapitalı $2 mlrd. 415,8 mln.-a (dəyişməyib) bərabərdir.

CQD layihəsinin əsas komponentləri bunlardır: “Şahdəniz” layihəsi üzrə “Mərhələ-2”, Bakı-Gürcüstan-Türkiyə sərhədi Cənubi Qafqaz boru kəməri magistralının genişləndirilməsi, Türkiyənin şərq sərhədindən qərb sərhədinə qədər Trans-Anadolu qaz kəmərinin (TANAP) və Yunanıstan, Albaniya və Adriatik dənizini birləşdirən Trans-Adriatik qaz kəmərinin (TAP) tikintisi.

Layihənin ümumi dəyəri təxminən $38 milyard təşkil edir.

10 milyard kubmetr həcmində Azərbaycan qazının Avropaya nəqli 2020-ci ildə gözlənilir. Bundan başqa, 6 milyard kubmetr həcmində Azərbaycan qazı Türkiyənin qərb regionlarına nəql olunacaq. Türkiyəyə qaz 2018-ci ilin yayından ixrac edilir.* “Mərhələ-2” layihəsi 2 yeni platformanın tikintisini, 26 sualtı quyunun qazılmasını və 550 metr dərinlikdə 500 kilometrlik sualtı boru kəmərlərinin çəkilməsini, Səngəçal terminalının genişləndirilməsini, Cənubi Qafqaz boru kəməri magistralının ötürmə qabiliyyətinin 16 mlrd. kubmetrə qədər artırılmasını və qazın Avropaya nəqli üçün 4000 kilometrə qədər uzunluqda yeni qaz kəmərlərinin tikintisini nəzərdə tutur

(c)İnterfaks Azərbaycan