Karbohidrogen tələbi və qiymətlərinin görünməmiş  səviyyədə aşağı enməsinə səbəb olan koronavirus pandemiyası orta müddətli müddətdə neft bazarına təsirini davam etdirəcək. Neft qiymətləri 2021-ci ildən əvvəl bir barrel üçün 60 dollara qədər arta bilər.

Fins.az xəbər verir ki, bu fikri "TASS"-a müsahibəsində Rusiyadakı Shell şirkətinin rəhbəri Cederic Kremers deyib.

"İnanırıq ki, karbohidrogen qiymətləri böhrandan əvvəlki dövrdə, 2021-ci ilə qədər və bəlkə də 2021-ci ilin sonunadək daha aşağı səviyyədə qalacaq. Bu, planlaşdırmada güvənəcəyimiz proqnozdur" deyə o qeyd edib.

Onun fikrincə, koronavirus pandemiyasının təsiri "böyük" idi. "Düşünürəm ki, bazarda dəyişkənlik bir müddət davam edəcək. Buna görə də orta müddətdə neft qiymətləri və tələb artımının böhrandan əvvəlki səviyyədə bərpa olunacağını gözləmirik. Ancaq daha uzun müddətə baxsanız, tələb mütləq bərpa olacaq "deyə o qeyd edib. 

Müəllif: Aynur Qəniyeva