AMD Çinə MI308 çiplərinin tədarükünə davam edəcək

Finss.az xəbər verir ki, ABŞ-ın çip istehsalçısı Advanced Micro Devices ABŞ rəsmilərindən icazə aldıqdan sonra MI308 çiplərinin Çinə tədarükünü bərpa etməyi planlaşdırır.

ABŞ Ticarət Departamenti MI308 çiplərinin ixracı üçün müraciətlərə baxmağa başlayıb. Əvvəllər prezident Donald Trampın administrasiyası Çinə qabaqcıl mikroçiplərin tədarükünə məhdudiyyətlərin saxlanmasında israr edirdi.

Aprel ayında AMD ixrac məhdudiyyətləri səbəbindən itkiləri 800 milyon dollar qiymətləndirdi.

AMD səhmləri çərşənbə axşamı premarket ticarətində 5,1% bahalaşıb. İlin əvvəlindən şirkətin kapitallaşması 21% artaraq 237,1 milyard dollar təşkil edib.