ABŞ-da istehlakçı inamı azaldı

Finss.az xəbər verir ki, ABŞ istehlakçı inamı oktyabr ayında bir qədər azalma ilə 94,6 səviyyəsində qeydə alınıb. Bu barədə göstəricini hesablayan Conference Board tədqiqat təşkilatı məlumat yayıb.

Yenilənmiş məlumatlara əsasən, sentyabr ayı üçün indeks əvvəlki 94,2-dən yüksək – 95,6 səviyyəsində olub.

Trading Economics portali bildirir ki, analitiklər orta hesabla göstəricinin 93,2 səviyyəsinə enəcəyini proqnozlaşdırırdılar.

Hesabata görə, ABŞ istehlakçılarının mövcud iqtisadi vəziyyətə münasibətini ölçən alt indeks oktyabr ayında 1,8 bənd artaraq 129,3 səviyyəsinə çatıb. Bununla yanaşı, istehlakçı gözləntiləri indeksi isə 2,9 bənd azalaraq 71,5-ə düşüb — bu da iyun ayından bəri ən aşağı göstərici hesab olunur.

Mütəxəssislərin fikrincə, 80 bənddən aşağı göstərici adətən növbəti 12 ay ərzində iqtisadi tənəzzül riskini göstərir.