Respublikasının Əmək Məcəlləsində, “Əhalinin sağlamlığının qorunması haqqında”, “Özəl tibb fəaliyyəti haqqında” və “Dərman vasitələri haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikasının Qanunu
Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci, 10-cu və 16-cı bəndlərini rəhbər tutaraq qərara alır:
Maddə 1. Azərbaycan Respublikasının Əmək Məcəlləsində (Azərbaycan Respublikasının Qanunvericilik Toplusu, 1999, № 4, maddə 213 (Cild I); 2024, № 1, maddə 6, № 4, maddə 365, № 7, maddə 744, № 8, maddə 934; 2025, № 1, maddələr 1, 16, № 2, maddə 96; Azərbaycan Respublikasının 2025-ci il 11 aprel tarixli 172-VIIQD nömrəli Qanunu) aşağıdakı dəyişikliklər edilsin:
1.1. 67-1-ci maddə üzrə:
1.1.1. 1-ci hissə aşağıdakı redaksiyada verilsin:
“1. Azərbaycan Respublikasında praktik tibb və ya əczaçılıq fəaliyyəti ilə məşğul olan işçilərin peşə bilik və bacarıqlarının qorunub saxlanılması, inkişaf etdirilməsi və peşə yararlılığının yoxlanılması məqsədilə onların “Əhalinin sağlamlığının qorunması haqqında” Azərbaycan Respublikası Qanununun 49-1-ci maddəsinin tələblərinə uyğun olaraq davamlı peşəkar inkişafının qiymətləndirilməsi və ya sertifikasiya imtahanına cəlb edilməsi ilə sertifikasiyası həyata keçirilir. Sertifikasiya imtahanına cəlb edilən şəxslərə onların ixtisasına bilavasitə aid olmayan sualların verilməsi, habelə onların siyasi baxışlarına və dini etiqadlarına görə qiymətləndirilməsi yolverilməzdir.”;
1.1.2. 2-ci hissədə “keçirilmir” sözü “tələb olunmur” sözləri ilə əvəz edilsin;
1.1.3. 3-cü hissə aşağıdakı redaksiyada verilsin:
“3. Tibb və ya səhiyyə ixtisasları üzrə ali və ya orta ixtisas təhsili olan şəxslərdən normativ hüquqi aktlara uyğun olaraq müvafiq peşə-ixtisas və ya elmi-ixtisas dərəcəsinin verildiyi gündən beş il müddətində sertifikasiya şəhadətnaməsi tələb olunmur.”;
1.1.4. 4-cü hissədə “Sertifikasiyadan qanunvericiliyə uyğun olaraq keçməyən” sözləri “Sertifikasiya şəhadətnaməsi olmayan və ya qüvvədə olmayan” sözləri ilə əvəz edilsin və həmin hissəyə aşağıdakı məzmunda ikinci cümlə əlavə edilsin:
“Sertifikasiya imtahanından keçməyən işçi təkrar sertifikasiya imtahanından keçənə qədər altı ay müddətində iş yeri və aylıq tarif (vəzifə) maaşı saxlanılmaqla, müvafiq təhsil müəssisələrində peşə hazırlığı keçərək, təkrar sertifikasiya imtahanı üçün müraciət edə bilər.”;
1.1.5. 5-ci hissədə “Sertifikasiyadan” sözü “Sertifikasiya imtahanından” sözləri ilə əvəz edilsin;
1.2. 70-ci maddənin “Qeyd” hissəsinin birinci cümləsində “orqanı” sözü “orqanının müəyyən etdiyi orqan (qurum)” sözləri ilə əvəz edilsin.
Maddə 2. “Əhalinin sağlamlığının qorunması haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 1997, № 6, maddə 497 (Cild I); 2024, № 6 (I kitab), maddələr 631, 639, № 12 (II kitab), maddələr 1332, 1350; 2025, № 1, maddə 16; Azərbaycan Respublikasının 2025-ci il 11 aprel tarixli 172-VIIQD nömrəli Qanunu) aşağıdakı dəyişikliklər edilsin:
2.1. 46-cı maddə üzrə:
2.1.1. üçüncü hissə aşağıdakı redaksiyada verilsin:
“Azı beş il müddətində fasiləsiz olaraq ixtisasları üzrə işləməmiş tibb mütəxəssisləri, o cümlədən tibb və ya səhiyyə ixtisasları üzrə ali və ya orta ixtisas təhsili olan və təhsil müəssisəsini bitirdikdən sonra azı beş il müddətində fasiləsiz olaraq ixtisasları üzrə işləməmiş şəxslər müvafiq icra hakimiyyəti orqanının müəyyən etdiyi orqanın (qurumun) tabeliyində olan təhsil müəssisələrində hazırlıq keçdikdən və bu Qanunun 49-1-ci maddəsinin on üçüncü hissəsinə uyğun olaraq sertifikasiya imtahanından keçdikdən sonra praktik tibb və ya əczaçılıq fəaliyyəti ilə məşğul ola bilərlər.”;
2.1.2. dördüncü hissə ləğv edilsin;
2.2. 47-ci maddədə “və əczaçılıq” sözləri “və ya səhiyyə” sözləri ilə əvəz edilsin;
2.3. 48-ci maddə üzrə:
2.3.1. ikinci hissədə “və əczaçılıq” sözləri “və ya səhiyyə” sözləri ilə əvəz edilsin;
2.3.2. dördüncü hissə ləğv edilsin;
2.4. 49-1-ci maddə üzrə:
2.4.1. adında “şəxslərin (işçilərin)” sözləri “və bu fəaliyyətlə məşğul olmaq istəyən şəxslərin” sözləri ilə əvəz edilsin;
2.4.2. birinci hissədən “(işçilər)” sözü çıxarılsın;
2.4.3. ikinci hissə aşağıdakı redaksiyada verilsin:
“Azərbaycan Respublikasında praktik tibb və ya əczaçılıq fəaliyyəti ilə məşğul olan şəxslərin peşə bilik və bacarıqlarının qorunub saxlanılması, inkişaf etdirilməsi və peşə yararlılığının yoxlanılması məqsədilə onların bu maddənin beşinci hissəsinə uyğun olaraq davamlı peşəkar inkişafının (bundan sonra – DPİ) qiymətləndirilməsi və ya sertifikasiya imtahanına cəlb edilməsi ilə sertifikasiyası həyata keçirilir.”;
2.4.4. üçüncü – doqquzuncu hissələr müvafiq olaraq yeddinci – on üçüncü hissələr hesab edilsin və aşağıdakı məzmunda üçüncü – altıncı hissələr əlavə edilsin:
“DPİ praktik tibb və ya əczaçılıq fəaliyyəti ilə məşğul olan şəxslərin müvafiq icra hakimiyyəti orqanının müəyyən etdiyi orqan (qurum) tərəfindən akkreditasiya olunmuş elmi və (və ya) tədris tədbirlərində iştirakı, o cümlədən elmi, pedaqoji və (və ya) müstəqil DPİ fəaliyyəti vasitəsilə kredit vahidlərinin toplanması yolu ilə həyata keçirilir.
DPİ üzrə elmi və tədris tədbirlərinin akkreditasiyası qaydası və DPİ fəaliyyətinin kredit ekvivalenti, həmin kreditlərin təsdiqlənməsi üçün lazım olan sənədlər və hesablanmasına dair tələblər müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilir.
DPİ üzrə 5 (beş) il ərzində müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş minimum krediti toplayan və ya sertifikasiya imtahanından keçən şəxslərə sertifikasiya şəhadətnaməsi (bundan sonra – şəhadətnamə) verilir. Şəhadətnamə 5 (beş) il müddətində etibarlıdır. Minimum krediti toplamayan şəxslər praktik tibb və ya əczaçılıq fəaliyyəti ilə məşğul olmaq üçün sertifikasiya imtahanından keçməlidirlər.
Sınaq imtahanı istisna olmaqla sertifikasiya imtahanı ödənişsizdir. Sınaq imtahanında iştirak könüllüdür və onun məbləği müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilir. Sertifikasiya imtahanında iştirak edən şəxslərə onların ixtisasına bilavasitə aid olmayan sualların verilməsi, habelə onların siyasi baxışlarına və dini etiqadlarına görə qiymətləndirilməsi yolverilməzdir.”;
2.4.5. yeddinci hissədə “keçirilmir” sözü “tələb olunmur” sözləri ilə əvəz edilsin;
2.4.6. səkkizinci və doqquzuncu hissələr aşağıdakı redaksiyada verilsin:
“Tibb və ya səhiyyə ixtisasları üzrə ali və ya orta ixtisas təhsili olan şəxslərdən normativ hüquqi aktlara uyğun olaraq müvafiq peşə-ixtisas və ya elmi-ixtisas dərəcəsinin verildiyi gündən 5 (beş) il müddətində şəhadətnamə tələb olunmur.
Praktik tibb və ya əczaçılıq fəaliyyəti ilə məşğul olan və ya bu fəaliyyətlə məşğul olmaq istəyən şəxslərin sertifikasiyası müvafiq icra hakimiyyəti orqanının müəyyən etdiyi orqan (qurum) tərəfindən həyata keçirilir.”;
2.4.7. onuncu hissədə “Sertifikasiyadan keçməyən şəxslərin (işçilərin)” sözləri “Şəhadətnaməsi olmayan və ya qüvvədə olmayan şəxslərin” sözləri ilə əvəz edilsin;
2.4.8. on birinci hissə üzrə:
2.4.8.1. birinci cümlə aşağıdakı redaksiyada verilsin:
“Sertifikasiya imtahanından keçməyən işçi təkrar sertifikasiya imtahanından keçənə qədər 6 (altı) ay müddətində iş yeri və aylıq tarif (vəzifə) maaşı saxlanılmaqla, müvafiq təhsil müəssisələrində peşə hazırlığı keçərək, təkrar sertifikasiya imtahanı üçün müraciət edə bilər.”;
2.4.8.2. ikinci cümlədə “Sertifikasiyadan” sözü “Sertifikasiya imtahanından” sözləri ilə əvəz edilsin;
2.4.9. on üçüncü hissədə “şəxslərin (işçilərin)” sözləri “və ya bu fəaliyyətlə məşğul olmaq istəyən şəxslərin” sözləri ilə əvəz edilsin.
Maddə 3. “Özəl tibb fəaliyyəti haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2000, № 3 (I kitab), maddə 129 (Cild I); 2024, № 6 (I kitab), maddə 639) aşağıdakı dəyişikliklər edilsin:
3.1. 1-ci maddənin birinci hissəsinin dördüncü abzasında “ali və ya orta tibb” sözləri “tibb ixtisası üzrə ali və ya orta ixtisas” sözləri ilə əvəz edilsin;
3.2. 4-cü maddənin altıncı hissəsi aşağıdakı redaksiyada verilsin:
“Özəl tibb müəssisələrində praktik tibb fəaliyyəti ilə məşğul olan və ya bu fəaliyyətlə məşğul olmaq istəyən şəxslərin “Əhalinin sağlamlığının qorunması haqqında” Azərbaycan Respublikası Qanununun 49-1-ci maddəsinin tələblərinə uyğun olaraq davamlı peşəkar inkişafının qiymətləndirilməsi və ya sertifikasiya imtahanına cəlb edilməsi ilə sertifikasiyası həyata keçirilir. Sertifikasiya şəhadətnaməsi olmayan və ya qüvvədə olmayan şəxslərin praktik tibb fəaliyyətinə buraxılmasına yol verilmir.”;
3.3. 5-ci maddə üzrə:
3.3.1. birinci hissədə “Ali və ya orta tibb” sözləri “Tibb ixtisası üzrə ali və ya orta ixtisas” sözləri ilə əvəz edilsin;
3.3.2. üçüncü hissə aşağıdakı redaksiyada verilsin:
“Özəl tibbi praktika ilə məşğul olan və ya bu fəaliyyətlə məşğul olmaq istəyən şəxslərin sertifikasiyası bu Qanunun 4-cü maddəsinin altıncı hissəsində göstərilən qaydada həyata keçirilir.”;
3.4. 16-cı maddənin birinci hissəsinin on ikinci abzasından “tədrisə cəlb olunmaq və” sözləri çıxarılsın.
Maddə 4. “Dərman vasitələri haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2007, № 2, maddə 70 (Cild I); 2024, № 6 (I kitab), maddə 642, № 7, maddə 775; Azərbaycan Respublikasının 2025-ci il 22 aprel tarixli 182-VIIQD nömrəli Qanunu) aşağıdakı dəyişikliklər edilsin:
4.1. 4.1.1-ci maddədən “tədrisə cəlb edilməsi və” sözləri çıxarılsın;
4.2. 5.2-ci maddənin ikinci hissəsi aşağıdakı redaksiyada verilsin:
“Əczaçılıq fəaliyyəti ilə məşğul olan və ya bu fəaliyyətlə məşğul olmaq istəyən şəxslərin “Əhalinin sağlamlığının qorunması haqqında” Azərbaycan Respublikası Qanununun 49-1-ci maddəsinin tələblərinə uyğun olaraq davamlı peşəkar inkişafının qiymətləndirilməsi və ya sertifikasiya imtahanına cəlb edilməsi ilə sertifikasiyası həyata keçirilir. Sertifikasiya şəhadətnaməsi olmayan və ya qüvvədə olmayan şəxslərin praktik əczaçılıq fəaliyyətinə buraxılmasına yol verilmir.”.
İlham Əliyev
Azərbaycan Respublikasının Prezidenti
Bakı şəhəri, 13 iyun 2025-ci il