Finss.az – Azərbaycan Respublikasının Dövlət Statistika Komitəsinin yaydığı məlumata əsasən, 2025-ci ilin yanvar-aprel aylarında ölkə üzrə ümumi daxili məhsulun (ÜDM) həcmi 39,3 milyard manat təşkil edib.

Bu göstərici 2024-cü ilin eyni dövrü ilə müqayisədə 0,9 faiz çoxdur.

Hesabat dövründə iqtisadiyyatın neft-qaz sektorunda əlavə dəyər istehsalı 3,5 faiz azalıb. Bunun əksinə olaraq, qeyri neft-qaz sektorunda 3,3 faizlik artım müşahidə olunub. Bu dinamika iqtisadiyyatın şaxələndirilməsi siyasətinin davam etdiyini göstərir.

Əlavə dəyərin iqtisadi sahələr üzrə bölgüsü aşağıdakı kimidir:

• 37,3% – sənaye,

• 9,9% – ticarət və nəqliyyat vasitələrinin təmiri,

• 7,0% – nəqliyyat və anbar təsərrüfatı,

• 5,9% – tikinti,

• 3,3% – kənd təsərrüfatı, meşə təsərrüfatı və balıqçılıq,

• 2,8% – turistlərin yerləşdirilməsi və ictimai iaşə,

• 1,8% – informasiya və rabitə sahələri,

• 21,7% – digər sahələr.

Bundan əlavə, məhsula və idxala xalis vergilər ÜDM-in 10,3 faizini təşkil edib.

Əhalinin hər nəfərinə düşən ÜDM isə 3841,8 manat olub ki, bu da iqtisadi inkişafın əhali rifahına təsirini əks etdirən mühüm göstəricilərdən biridir.