Fins.az - Nazirlər Kabineti, 14 mart 2016-cı il tarixli qərarla təsdiq edilmiş "Əmək Miqrasiyası Kvotasının Müəyyən Edilməsi Qaydası"nı dəyişdirib. Yeni qərarı Baş nazir Əli Əsədov imzalayıb.

Dəyişikliklərə əsasən, gələcəkdə hökumət kvotanın təsdiqini ilin başlanmasına 3 ay deyil, 1 ay qalmış həyata keçirəcək.

Əlavə olaraq, əcnəbi işçi cəlb etmək istəyən işəgötürənlər, hər il mayın 1-nə qədər deyil, avqustun 1-nə qədər Dövlət Miqrasiya Xidmətinə növbəti il üçün məşğulluq təsnifatı üzrə peşələr göstərilməklə əcnəbi işçi qüvvəsinə olan tələbat haqqında proqnoz-məlumat təqdim etməli olacaq.