Azərbaycan banklarının kredit porfelinin təqribən 87%-i Bakı şəhəri və Abşeron yarımadasının payına düşür. Fins.az-ın məlumatına görə, bu barədə Mərkəzi Bankın 2015-ci ilin ilk yarısı ilə bağlı açıqladığı rəqəmlərdən məlum olur.

Qeyd edək ki, ölkədə ümumi kreditlərin həcmi 20 milyard 288 milyon 462 min manat təşkil edir. AMB-nin hesabatına görə, bundan 16 milyard 978 milyon 390 min manatını və ya ölkə üzrə kredit portfelinin 83,7%-i Bakı şəhərinin payına düşür. Kreditlərin 640,9 milyon manatı və ya 3,16%-i isə Abşeron rayonunda verilib. Kreditlərin həcminə görə sonrakı yeri Aran bölgəsi (835,2 milyon manat) və Gəncə-Qazax bölgəsi (744,8 milyon manat) tutur.