“Unibank”da manatla əmanət yerləşdirmiş müştərilərin əhəmiyyətli hissəsi pulunu dollara çevirib. Fins.az-ın məlumatına görə, bunu jurnalistlərə açıqlamasında “Unibank”ın İdartə Heyətinin sədri Faiq Hüseynov deyib. Onun sözlərinə görə, hazırda bankın əmanətlərinin təxminən 70%-i dollarladır. Amma son vaxtlar dollarlaşma prosesi sabitləşib: “Əvvəllər müştərilər bağladıqları müqaviləni dayandıraraq, cərimə ödəyərək pulunu dollara çevirirdi, indi bu proses getmir. Qalan insanlar, həm də biz əminik ki, bundan sonra məzənnədə ciddi dəyişiklik olmayacaq”.