Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi tərəfindən Bərdə şəhərində yerləşən Qarabağ Regional DOST Mərkəzindəki “RehaPoint” – Reabilitasiya Məntəqəsində bölgə sakinlərinə ambulator reabilitasiya xidmətləri göstərilir.

Fins.az xəbər verir k, ötən il dekabrın 1-dən fəaliyyətə başlayan Məntəqədə indiyədək 1000-dən çox şəxs reabilitasiya xidmətləri ilə təmin edilib. 

Əlilliyi olan şəxslər burada ambulator formada müalicəvi bədən tərbiyəsi, əmək terapiyası, psixoloq və loqoped xidmətlərindən yararlanır.

Məntəqədə əlilliyi olan şəxslər ehtiyac duyduqları reabilitasiya vasitələri ilə də təmin edilir.

Ötən dövrdə “RehaPoint” – Reabilitasiya Məntəqəsində əlilliyi olan şəxslərə 500-dək reabilitasiya vasitəsi verilib.

Zemfira Ms
Fins.az