Şuşada ilk seysmik stansiya sentyabrda fəaliyyətə başlayacaq.

Fins.az xəbər verir ki, bunu Azərbaycan Milli Elmlər Akademiyasının (AMEA) Seysmoloji Xidmət Mərkəzinin baş direktoru Qurban Yetirmişli bu gün keçirilən Katastrofik Risklərə Qarşı Dayanıqlı Maliyyə Sistemi Konfransında deyib.

Onun sözlərinə görə, ilk stansiya 100 metr dərinlikdə quyuda quraşdırılacaq və bunun üçün artıq cihazlar göndərilib:

"Bu layihə Türkiyənin Fəlakət və Fövqəladə Halların İdarə Olunması İdarəsinin (AFAD) dəstəyi ilə həyata keçiriləcək. İlk seysmik stansiya bu ilin sentyabrında fəaliyyətə başlayacaq. Hazırda texniki işlər qalıb. Bu işlər, həmçinin Naxçıvanda da aparılacaq: "Naxçıvana gedib-gəlməyin çətin olması səbəbindən tədqiqatlar apara bilmirdik. Hazırda orada 4 seysmik stansiya fəaliyyətdədir".

Fuad Mədətov
Fins.az