“Hermes Finance” şirkətinin baş direktoru Vüqar Məmmədovla müsahibə

- Müasir dünyada bir sahibkarın maliyyə tərəfdaşı axtarışında düzgün seçim etməsi nə dərəcədə vacibdir?

- Bu qərar istənilən iş üçün əsas məqamlardan biridir. Bank seçiminin uğurlu olması güclü işgüzar münasibətlər qurmaq və istənilən vaxt güvənə biləcəyiniz etibarlı və daimi maliyyə tərəfdaşı tapmaq üçün təməl olacaqdır.

- Bir iş lideri olaraq hansı səbəbləri üstün tutaraq PAŞA Bank ilə əməkdaşlıq qərarına gəldiniz? Bu qərarı verərkən nəyə əsaslanırdınız?

- Qərarımızı Azərbaycanın bank sektorunda PAŞA Bankın aparıcı banklardan biri və ən güclü bazar mövqelərindən birinə sahib olmağına əsaslanaraq verdik. PAŞA Bankın iş fəlsəfəsi, Bankın riayət etdiyi dəyərlər, bizdə həqiqi etimad və hörmət yaradır eləcə də, bütün gözləntilərimizə cavab verir.

- PAŞA Bankın təqdim etdiyi hansı effektiv vasitələr işinizi inkişaf etdirməyə kömək edir?

- Əslində çoxdur. Ancaq qeyd etmək istərdim ki, bizim üçün ən başlıcası, işimizin xüsusiyyətləri nəzərə alınmaqla iş ehtiyaclarımıza fərdi yanaşmadır. Əlbəttə ki, ayrılan kreditlərin miqdarı, dövriyyə kapitalı və digər göstəricilər çox vacibdir, lakin PAŞA Bank nümayəndələrinin etibar, sağlam işgüzar münasibətləri və insani keyfiyyətləri bizim üçün birinci yerdədir. Əminəm ki, PAŞA Bankın bütün müştəriləri və tərəfdaşları öz iş tələblərinə belə fərdi yanaşmadan tam yararlanırlar.

- Seçdiyiniz bankla uzunmüddətli əlaqələr qurmaq nə qədər vacibdir və bunun üstünlükləri nədədir?

- Bir sahibkarın, real sektorun hansı seqmentini təmsil etməsindən asılı olmayaraq, etimad etdiyi bankla daim işləməsi çox vacibdir. Birincisi, bir maliyyə institutu ilə davamlı əməkdaşlıq qarşılıqlı etimadın əsas təməlinə çevrilir, ikincisi, Bank hər bir müştərinin bütün tələb və ehtiyaclarını bilir, bu da sonuncunun davamlı dəstəyə əmin olmasına imkan verir. Bir biznes eyni anda bir neçə kredit təşkilatı ilə işlədikdə belə bir münasibət səviyyəsinə çatmaq çox çətindir.

- PAŞA Bank ilə əməkdaşlığın hansı tərəfləri Sizə rəqabət üstünlüklərini qazanmağa imkan verir?

- Biz işimizdə qərarların tez verilməsini çox vacib hesab edirik. Bir sahibkarın vaxtına qənaət etmək və ən qısa müddətdə bütün lazımi qərarları tez qəbul etmək bacarığı PAŞA Bankın çox dəyər verdiyimiz güclü tərəfidir.

- Müasir şəraitdə biznesini inkişaf etdirən sahibkarlara əsas tövsiyəniz nədir?

- Düşünürəm ki, istənilən çətin dövrdə biznesin uğuruna inanmalı, səbir və davamlı irəliləməyin arzu olunan nəticələrə səbəb olacağını başa düşməlisiniz. Dövlət səviyyəsində iqtisadiyyatdakı mənfi nəticələrin azaldılması üçün bütün tədbirlər görülür və zaman göstərdiyi kimi, belə çətin dövrləri uğurla keçən sahibkarlar işlərinin gələcək davamlı inkişafı üçün əvəzolunmaz təcrübə və bacarıqlar əldə edi