Ötən il Azərbaycandan İsrailə fiziki şəxslərin pul köçürmələrinin həcmi 2,740 milyon ABŞ dolları təşkil edib.

Finss.az Azərbaycan Mərkəzi Bankına istinadən xəbər verir ki, bu göstərici 2023-cü ilin eyni dövrü ilə müqayisədə 450 min dollar və ya 19,6% artıb.

Hesabat ilində ölkənin ümumi pul köçürmələrində İsrailin payı 0,5% təşkil edib.

Bununla yanaşı, ötən il İsraildən Azərbaycana fiziki şəxslərin pul köçürmələrinin həcmi 13,626 milyon ABŞ dolları olub. Bu göstərici 2023-cü illə müqayisədə 199 min dollar və ya 1,4% azalma deməkdir. Hesabat ilində ölkəyə daxil olan ümumi köçürmələrdə İsrailin payı 1,3% səviyyəsində olub.

Məlumata əsasən, 2023-cü ildə Azərbaycandan İsrailə fiziki şəxslərin pul köçürmələrinin həcmi 2,290 milyon dollar, əks istiqamətdə – İsraildən Azərbaycana isə 13,825 milyon dollar təşkil etmişdi.

Ümumilikdə, 2024-cü ildə Azərbaycandan xarici ölkələrə fiziki şəxslər tərəfindən həyata keçirilən pul köçürmələrinin ümumi həcmi 526,759 milyon ABŞ dolları olub. Bu göstərici 2023-cü illə müqayisədə 23,367 milyon dollar və ya 4,2% azdır.

Eyni zamanda, xarici ölkələrdən Azərbaycana daxil olan pul köçürmələrinin ümumi həcmi 1,082 milyard ABŞ dolları təşkil edib ki, bu da 2023-cü illə müqayisədə 571,942 milyon dollar və ya 34,6% azalma deməkdir.

Fuad Mədətov
Finss.az